BLOGGER TEMPLATES AND TWITTER BACKGROUNDS

الخميس، 3 مارس 2011

الوطن الاكبر




انا بجد بكلم وانا سعيد وفى نفس الوقت حزين انا دلوقتى فى ميدان التحرير 

مقديها زى مبيقولو علينا الناس الى برا الميدان

بيقولو دول هيقرفونا شباب اهليهم بيصرفو عليهم خربو البلد وقعدين على تلها

وانا نفسى اوصلهم رساله احنا قعدنا فى الميدان شلنا النظان وقعدنا فى الميدان شلنا الحكومه

وقعدنا فى الميدان جبنا حق الشهداء وقعدنا فى الميدان رجعنا كرامه كل المصرييييييين

قعدنا فى الميدان شلنا شفيق وحكومه شفيق وهنفضل كدا لحد منقضى على كل النظام الفاسد

وسعتها نقول ان الثوره المصريه حققت كل النجاح المطلوب منها

انا بترجه من المدونين انهم بجد يمرسو الرساله المطلوبه منهم انشرو الفساد

صورو اى شيئ غلط فى طريقم الى الشغل او اى مكان 

اى شيئ غلط صوروه واكلمو عنو اصرخو على صوتكم ورافعو راسكم

احناااااا مصرررررررريييين

النظام نسانا اننا مصرييين جه الوقت الى نعلن عن الفساد

بجد اسمعو اغنيه الوطن الاكبر الى مشغلها فى المدونه

وشوفو حب مصر فى الكلام احنا فى ساعه عزه وكرامه وشرف

مجتش علينا من ساعت متولدنا

فى ناس عاشت وماتت وماشفتش خمس دقائق كرامه وشرف

فى ناس عاشت مزلوله طول حيتها حتى ممتها

الله المستعان على ما تصفون

هناك 11 تعليقًا:

غير معرف يقول...

مش انت كنت بتقول فى تعليق ليك فى بوست قبل كدة ان المفروض احمد شفيق يقعد الست شهور وميمشيش علشان مصلحة مصر منين انت بتقول كدة فى البوست اللى فات وجاى دلوقتى تقول قعدنا فى التحرير لحد ما شيلنا حكومة شفيق

غير معرف يقول...

مش انت كنت بتقول فى تعليق ليك فى بوست قبل كدة ان المفروض احمد شفيق يقعد الست شهور وميمشيش علشان مصلحة مصر منين انت بتقول كدة فى البوست اللى فات وجاى دلوقتى تقول قعدنا فى التحرير لحد ما شيلنا حكومة شفيق

خواطري مع الحياة يقول...

السلام عليكم
الي عايز التغيير لازم يكافح ويناضل عشان يحصل
فاانتم علمتوا اكثر من المتوقع
شعب اراد ان يعيش بحرية وينعم بخيرات بلاده ويقمع الظلم
فكافح وناظل وحقق الي يتمناه
ربنا معاكم ويحميكم ويحقق كل امانيكم ياشعب مصر
تقبل مروري
سلامي ليك.

وردة الجنة يقول...

الف مبرووك لينا للانجازات اللى حصلت لغاية دلوقتى وان شاء الله الباقى هيجى وكل حاجة هتكون كويسة لان مصر بولادها وشبابها تستاهل تكون احسن بلد فى الدنيا

وان شاء الله ربنا ينصف الحق دايما لان دولة الظلم ساعة والحق الف ساعة

تحياتى .......

هبة فاروق يقول...

برافو عليكم يا رجالة انجزنا على ايديكم حاجات كتير وبكرة مصر حتبقى احسن ان شاء الله

ندا منير يقول...

اطلاقا اللى قاعدين عمرهم ما يكونوا عايزين يخربوا البلد

انا بس تسمحلى اقولك ليه الناس بتقول كدة
الفكرة دلوقتى ان وضع البلد بقى مقلق جدا ومع اختفاء الشرطة وزيادة عدد البلطجية وانتشارها وانهم بياذوا الناس فدا عايز يخطيط جامد عشان كل دا يتصلح ودا مش هيتعمل الا لما المظاهرات تقف ونبدا فى الخطوات التانية
دى نقطة

النقطة التانية
ان فى بداية الثورة كانت الآراء كلها تقريبا موحدة حاليا بقت مقسمة جماعات وكل جماعة ليها افكارها عل فيس وبناءا على دا بتعمل مظاهرة
منها فى ناس بترشح عمرو خالد يبقى رئيس الجمهورية
معلش يعنى راجل داعية ومحترم بس ملوش فى السياسة ولا اى خبرات فيها مصر مش قليلة ومينفعش عشان بحب واحد ارشحه يبقى رئيس الجمهورية
جماعة تانية تقول عايزين د / احمد زويل
د / احمد زويل طبعا راجل فوق الوصف بس مينفعش برده رئيس دولة ممكن اخليه فى تخصصه عشان يفيدنا وينقل العلم الصح للشباب

كل وزير جديد يتعين يطلع ناس توافق عليه وناس ترفض
وبالتالى احنا مش هنخلص

فاحسن حاجة دلوقتى اننا نستنى لحد ميعاد الانتخابات وشاعتها مش هيبقى فى مظاهرات والحق هو اللى هينتصر ومن حق اى حد يرشح نفسه ومن حق كل واحد ينتخب اللى هو عايزه
لكن دلوقتى صعب قوى كل شوية مظاهرة
لان الحمل دا كله على الجيش والجيش خلاص عمل اللى عليه وزيادة وعليه حمل حماية مصر من الخارج ومن الداخل وكمان مش عارفين يظبطوا امن البلد باختفاء الشرطة

فانا من راييى ان لحد كدة كفاية دكتو عصام شرف وعد وقال انه هيعمل كل المصريين عايزينه ولو معرفش خلاص يستقيل
وبالتالى لحد كدة خطوات مية مية بس كفاية الكل يروح وكفاية مظاهرات بجد كلكم وكل المصريين حققوا انجازات رهيبة عمرنا ما كنا نحلم بيها بس كل حاجة بعقل

ودى كانت اعظم وهتفضل اعظم ثورة عايزين تفضل كدة وعشان تفضل كدة يبقى كفاية مظاهرات لحد انهاردة ونصبر ونشوف دكتور عصام هيعمل ايه ونسيب الجيش يحاول يظبط امن البلد وكلنا نرجع لحياتنا الطبيعية تانى

ثـــوره الــغضب يقول...

غير معروف..

يا استاذ انا فعلا قلت كدا وكلامى ذى مهوا فى البوست القديم موجود فى الارشيف يعنى متمسحش وانا هوضح تانى انا قلت انى اتمنى ان الفريق احمد شفيق يكمل فى منصبو لحد انتهاء الفتره الانتقاليه عشان كنت خايف على البلد مش اكتر ومش معنى كدا انو يليق بمنصب ذى ده احمد شفيق بدلتو اتلطخت بدماء الشهداء فى موقعه يوم الثلاثا وموقعه الجمل ومع ذالك احمد شفيق انا بكن له كل الاحترام والتقدير ولكنى غيرت رأيي عشان كلنا اتفقنا على رأى وااحد مش ذى الاول كنا مشتتين بأفكرنا كان كل واحد ليه رأاى ولكننا اخذنا االكرار بأزاحت احمد شفيق من منصبه
...............................

كنت اتمنى انك تخش بأسمك لأننا مدونين والمدون محترف فى مجاله وديما بيحب المواجه مش بيحب يكلم من ورا حجاب كان سعتها النقاش هيكون اافضل اتمنى فيما بعد تخش بأسمك

اتمنا يكون ردى نال اعجاب حضرتك

ثـــوره الــغضب يقول...

خوااطر مع الحياه

انا سعيد جدا بتعاونك معنا وده ان شا الله هيكون من سمات العرب زمن التجاهل لزم ينتهى ويرجع زمن التعاون والحب

بحييكى جدااااااااا

ثـــوره الــغضب يقول...

ورده الجنه

اذيك يا قطقوطه

ديما كلامك منتقى يا ورده

متشكر جداا لتعاونك معنا وانتمائك الجميل لشباب الثوره

ثـــوره الــغضب يقول...

هبه فاروق

احنا انجزنا على ايدى الشعب المصرى بكامل طواائفه

افتكر انناا نساء ورجاله حققنا بتعاونا كل شيئ

بشكرك جدا يا هبه

ثـــوره الــغضب يقول...

ندا منير

انتى علقتى على البوست وكمان علقتى على الكلام الى كنت نااوى ارد بيه عليكى

بجد تعليقك جاب كل حاجه وانا اكيد اتفق مع رأيك يا ندى وسعيد بزيرتك وبأزن الله مصر هتكون احسن بحبنا لبعض وخوفنا على بعض