BLOGGER TEMPLATES AND TWITTER BACKGROUNDS

الجمعة، 18 فبراير 2011

حمله من اجل التدوين والتغيير



بسم الله الرحمان الرحيم


نفسى اعمل شيئ ونسميه توعيه المواطنين حمله مثلا او اجتهاد مننا

نوعى الناس بأى شيئ غلط نشوفو ونحاول نغيرو انا سعيد جدا بشباب وبنات

نزلو فى جميع انحاء المحافظات فى حمله تنظيف بلدنا انا شفت منهم كتير

فى الهرم وفيصل والمهندسين دا شيئ رائع ياريت كمان نبتدى

نبنى فى داخلنا الحب والعطف والفقه نفسى نعملى جمعيه بين المدونين

ونساعت بيها اى انسان محتاج بل اشتراك مع بعض والتواصل عبر التدوين

الى يشوف شيئ يعرضو علينا ونتحقق منو ونقرر

نعمل يوم نجتمع فيه ونزور اهالى الشهداء فى كتيير فى القاهره والجيزه

نروح نحاول نضيع ونزيح احزنهم عيزين نكون يد وحده التدوين من سنين

كان غير كدا كنا كلنا نعرف بعض كويس دلوقتى قليل الى يعرف التانى

تعالو نتعارف ونقرب وجهات النظر ونشترك مع بعض فى اى شيئ

يفيد مصر ويفيد الشعب شباب الثوره اشتهرو بثوره الفيس بوك

تعالو نعمل شيئ جميل نستفاد بيه ويكون لينا هدف

انا كنت على اتصال بمدام شمس النهار وبجد كانت مثال لكل مدون 

انا افتخر بيها جدا لأنها عملت جاهدا هيا واصدقائها وأولادها فى فعل الخير

انا عارف انها هتزعل عشان زكرتها ولكن دا للحماس بس مدام شمس سورى بقه

ياريت تستجيبو لطلبى ونحقق شيئ

بلاش نعلق على بعض وننسى كلمان ياريت نعلق ونحاول نوجد حلول ولى عندو

اكتراح يعرضو علينا واكيد هنشوف الافيد ونتخذ قرار

والله المستعان


هناك 30 تعليقًا:

مصطفى سيف يقول...

اهم حاجة الفترة دي هي التوعية
التوعية السياسية
واننا نحاول نبث للناس رسالة مهمة ان مصلحة مصر اولا بعدين مصلحتنا يعني مثلا الاعتصامات والاحتجاجات مش وقتها ابدا بالعكس هتزود التوتر بين الشعب والجيش
تاني حاجة لازم نوعي الشعب ايه حقوق الناس وايه واجباتها علشان نبني بيت جديد على اساس سليم لازم يتشال كل الاساس القديم كل الافكار القديمة من المحسوبية والواسطة والرشوة ويتحط بدالهم الاحترام والكفاءة والتنظيم
لازم تتشال حاجة اسمها كشف هيئة من اي مكان وكلمة غير لائق اجتماعيا نفسي ماسمعهاش تاني (كلنا مصريين وكلنا ولاد آدم وحوا) كل ده لازم الشعب يتعلمه وده اهم حاجة
والاهم من ده كله احترام حرية الرأي اللي هي عماد الثورة وصدقوني لو ماحترمناش اراء غيرنا يبقى هدمنا ثورتنا من اول يوم
تحياتي وتقديري واشكرك على طرح الموضوع المهم ده

ندى الياسمين يقول...

انا معاك طبعا يا ادم وبعدين احنا فعلا كمدونين بنقابل دايما فى اللقاءات وبتعمل نشاط خيري دايما مش عارفه انت حضرتك معانا حاجه ولا لا

اخر حاجه كانت عندي فى المنصوره وكان يوم جميل وعملنا بجد حاجات جميله اوي واسعدنا ناس كتير الحمد لله

وطبعا اي حاجه عايزين تعملوها انا معاكم

بس طبعا مع تحفظ ان قليلة التنقلات خارج المنصوره
جوره المنصوره انا معاكم على طول الخط

غير معرف يقول...

اقسمت عليك /ى بالذى رفع السموات الطباق ان لا تتجاهل رسالتى دا فى عنقك حتى يوم المحشر ابعته لغيرك وبسرعة لكن امنتك بالله لاذم تشوفه


http://www.youtube.com/watch?v=r3QqyuaJZ7Y


تانى لينك

http://213.251.145.96/cable/2008/12/08CAIRO2572.html

تالت لينك

http://www.telegraph.co.uk/news/worldnews/africaandindianocean/egypt/8289698/Egypt-protests-secret-US-document-discloses-support-for-protesters.html


رابع لينك


http://www.telegraph.co.uk/news/worldnews/africaandindianocean/egypt/8289686/Egypt-protests-Americas-secret-backing-for-rebel-leaders-behind-uprising.html



5-very impor...خامسة الرجل دا قاعد فى وشنطون امريكا؟؟!!! .


http://www.youtube.com/watch?v=PANW_J18z4Y&feature=related

6 ودا قبل يوم من النزول للشارع

http://www.youtube.com/watch?v=tX-6aN4uHoI&feature=related


وفية اكتر واكتر لكن اللى عاوز يشوف يدور ارجوا الاهتمام والقاء لو نظرة بسيطة

غير معرف يقول...

دا علشان تدعم الثورة اوووووووووووووى شوف اللينكات بس

نبع الغرام يقول...

افكارك جميله
اوووووووى

ربنا يقدم الخير للكل

والله المستعان

غير معرف يقول...

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us

Tears يقول...

يا جماعه ركزوا و خلى بالكم من الثورة المضادة

عايزين يلبسونا احمد شفيق ببواقى حكومة الحزب الوطنى ده هيكل بيقول انه بيكلم مبارك كل يوم

موجة يقول...

ادم ده ردى على زعلك منى
وده لانى بحترمك وما احبش تكون زعلان

بدايه كده يا ادم
بلاش زعل
ما احبش تكون زعلان منى او من كلام قلته
والاختلاف فى الراى لا يفسد للود قضية

خلينى اوضح لك اللى اقصده عشان ماتزعلش

انا ما قلتش انى بحب مصر اكتر منكو
كل ابن من ابناء اى ست بيقول انا بحب ماما اكتر
ده اللى تفهمة انى حتى لو قلت كده ده بدافع الوطنية
مش بدافع مين اكتر من مين
ومش بدافع تقليل حبك للوطن

تانى حاجة الناس كانو فى التحرير واشتبكو مع قوات الجيش عشان مش عايزين يمشو
والناس دوول انا ماقلتش انهم شباب 25 يناير
بس ناس تانيين انا وانت عارفينهم
ولحد يوم الجمعة اللى فاتت كان فى ناس بتدعو للتجمع فى التحرير تانى

ايا كان التجمع للاحتفال او للمظاهرة فهو وقف طريق ووقف حال
ما شفتش الحرمية اللى بيروحو يسرقو المحافظ بتاعت جثث عاملة حوادث طريق
انا كنت بتكلم على كده
على البلطجية اللى هيدخلو بحجه الاحتفال ويبداو يمارسو هوايتهم فى السطو على الناس
انا يشرفنى شباب 25 يناير ويشرفنى انى اكون من جيلهم
وبحبكو كلكو يا شباب 25 يناير عشان عملتو حاجة عظيمة تستاهلو التكريم عليها
ارجوك تكون فهمت قصدى وارجو تطمنى على زعلك وتقول انه خلاص مافيش زعل
احنا اخوات وانا ممكن عشان بخاف على اخويا اضربه واحرمة من نزول الشارع
وانا بخاف عليكو يا اخواتى

IBN BAHYA - إبــن بهيـــــــــــــة يقول...

جمعــــة الحســاب 25 فـــبرايـــــر
مظاهرات مليونية في ميدان التحرير وكل المدن المصرية
الشعب يريد
مجلـــس رئاســـــي
حكومـــة إنقــــــــاذ
محاكمــة مبــــارك
سيتبع ذلك الدعوة إلى إضراب عام وعصيان مدني شامل حتى تتحقق مطالب الثورة
النظام كما هو لم يتغير ، لم تتم محاسبة الفاسدين .. تم حبس أربع أغبياء كباش فداء فقط ، أين زعماء العصابة الكبار؟
أين عمر سليمان الذي هرب أموال مصر للفاسدين حينما كان رئيسا للمخابرات؟
أين صفوت الشريف؟
أين زكريا عزمي؟
أين فتحي سرور؟
أين أين أين عشرات الفاسدين؟

النظام مازال موجوداً بكل قوته في الحكومة ، المحافظات ، المحليات ، الأحياء ، وزارة العار الداخلية وأمن الدولة القذر مازال يمسك بالمعارضين حتى اللحظة ؟ إذن اين هو التغيير ؟ بل أين الثورة التي تدعي أنك تحميها يا جيشنا العظيم؟

الجيش في كل بقاع الدنيا لم ولن يهزم شعباً مهما أوتي من قوة .. مستحيل مستحيل .. وهذا هو السبب الرئيسي في حسن تعامل الجيش مع المتظاهرين لأنه ليس لديه أكثر من هذا أمام ملايين المتظاهرين ، إن فعل غير هذا سوف يخسر خسارة رهيبة لا يطيقها ، فقد هرب قبله جيش البوليس الذي يفوقه عشرات المرات فماذا عساه أن يفعل الجيش مع شعب ثائر؟ لقد رأينا جميعنا على الفضائيات تعامل الجيش وضرب المتظاهرين الذين تبقوا في ميدان التحرير منذ أيام لأنهم قلة.

جيشنا العظيم يحمي الفساد .. يحمي مبارك وأعوانه في شرم الشيخ .. يمارسون حياتهم بشكل طبيعي كأن شيئاً لم يكن .. وكأن النظام لم يسقط .. يسعون إلى امتصاص الثورة وتطويقها .. ولكن لن نترك لهم هذه الفرصة أبدا .. نازلين نحقق أهداف ثورتنا بنفسنا بالمظاهرات المليونية والإضرابات والعصيان المدني.
http://ibnbahya.blogspot.com/

http://www.facebook.com/event.php?eid=185218911516253

موجة يقول...

عايزاك يا ادم من فضلك تفهمنى تعليق الاستاذ ابن بهية
اللى داخل يقول نفس التعليق فى كل المدونات
هو ده مش اسمة تحريض برضو واسمة وقف حال
خلاص بقى
نسيب الجيش يشتغل ونسيب الناس تشوف اللى وراها من غير وقف حال
ال مظاهرة مليونية
ده كده بجد زادت عن حدها

غير معرف يقول...

الجاسوس الذي أحب اسرائيل

هذه حقيقة الفرعون الكرتوني الذي حكم مصر الكنانة.. اصح يا مصر

http://boukerchmohamed.unblog.fr/2010/01/31/1610-28

howa keda يقول...

انا فعلا متفق معاك و عايز اعمل اي حاجة علشان الناس تتغير الثورة غيرت النظام بس ناس كتير من جواهها خايفة من التغيير

وردة الجنة يقول...

جميل جداااااا اننا نعمل حاجة لبلدنا

انا معاكم ان شاء الله اعمل اللى اقدر عليه

وربنا يوفقنا جميعا

تحياتى .......

ميرو انتكة يقول...

يااااريت فعلا بجد يكون لينا دووور ف توعية الناس ونقدر نتغير ونتغيير باذن الله

تحياتي

model يقول...

انا اتفق مع مصطفى سيف مهم جدا التوعية السياسية
انا كنت من الناس الي يجهلوا كم و عمق الفساد الموجود في مصر
فيا ريت يكون في مدونة تنشر بالتفصيل و لكن ايضا بالدليل حجم الفساد و المفسدين علشان لا نشعر باننا نظلم احد
الدليلي مهم
و المستندات ضرورية
لتنزوير الناس حتى لا ينقسموا

موديل

ثـــوره الــغضب يقول...

مصطفى سيف

عندكحق فى كل كلامك بس افتكر ان ده مش هيتحقق غير بلتجمع السياسى الفكرى والتعاون الدائم بين جيم الاحزاب والطوائف والشعب طبعا

ثـــوره الــغضب يقول...

ندى الياسمين

كنت اتمنى اكون معاكو طبعا لكن انا قاهرى

عندك حق فى كلامك التوعيه شيئ هام وافتكر ان ده واجب علينا كمدونين او قراء

ان شاء الله لو فى اى شيئ انتى معانا اكيد انا عارف انك بردو ليكى وجود فى القاهره

ثـــوره الــغضب يقول...

غير معروف

اشكرك انا فعلا شوفت ده قبل كدا وكنت عيشو كمان

ثـــوره الــغضب يقول...

غير معروف

انا اشكرك جدا على تدعيم الثوره لكنى اود

ان اللفت نظر حضرتك ان الى عايز يدعم الثوره لزم يغدم شعبو وخدمت الشعب مش هتيجى من هنا ابدا

ثـــوره الــغضب يقول...

نبع الغرام

اشكرك جدا على تعليقك

وميرسى على متبعتك

ثـــوره الــغضب يقول...

غير معروف

اكيد اخى وهذا اقل شيئ يقدمه لنا الرئيس السابق ولكنى علمتايضا ان باقى الموازنه لحساب الرئيس فى الأحصائيات ولسه فى باقى الرصد يعنى احتمال نلاقى اكتر بكتير من الى تناولته بعض الصحف

ثـــوره الــغضب يقول...

Tears

انا فعلا معاكى والله وانتى عندك حق ولكن احنا ميهمناش انو يكلمو او لا انا ضد احمد شفيق ولكنى ايض ضد التسرع والتخريب افتكر ان من مصلحه مصر بقاء احمد شفيق لبعض الوقت حتى تتحسن اوضاع البلاد اشكرك جدا

ثـــوره الــغضب يقول...

موجه

انا بجد فعلاانا كمان اسف ليكى

ومينفعش ازعل منك يا موجه بس حصل سوء تفاهم لا غير

وافتكر وضحت الفكره

واشكرك جدا على اهتمامك لزعلى

منورانى ديما

ثـــوره الــغضب يقول...

ابن بهيه

اخى انا معك بكل قلبى

ثـــوره الــغضب يقول...

موجه

انا هعلق على الاستاذ الى نفسك تشوفى تعليقى عليه

دىكانت مطالبنا من الاول ولما تحققت النظام ذى مهوا احمد عز وجرانه ومغربى وابو العنين وباقى رجال الاعمال دول كبش فداء النظام الحقيقى زى مهوا

احمد شفيق دا يا موجه كان موجود فى يوم الثلاثاء يوم وقعه الجمال الشهيره كان فين وكانت فين السلطه الى كان فيها ده دراع مبارك اليمين

الحزب الوطنى الحزب الحاكم كما هوا متشلش لييييه؟؟

الله اعلم علامات اسفهام كتييير اوى يا موجه والله احنا خيفين على البلد اكتر منك وعلى فكره اصحاب مظاهرات التحرير شباب مش عيزين مناصب ولا ليهم اى تصفيه حساب مع حد ولكن يهمهم مصلحه البلد وميحبوش يدحك عليهم ابدا

ثـــوره الــغضب يقول...

غير معروف

ميرسى اخى على المعلومه

ثـــوره الــغضب يقول...

هوا كدا

اخى مفيش خوف خلاص دا كان قبل 25 يناير

احنا دلوقتى ميتين فيها لحد منصلح ونقضى على باقى الفساد

ثـــوره الــغضب يقول...

ورده الجنه

انا سعيد انك معانا

وبأزن الله معانا ديما ان شاء الله

ثـــوره الــغضب يقول...

ميرو انتكه

كلمه ياريت دى بقت للعجزاء ولكن ان شاء الله يكون فيه فعل مش ياريت

ننزل الشارع ونشتغل مع الناس ونحاول نغير الغلط بلصح

ثـــوره الــغضب يقول...

موديل

كلامك بجد صحيح وانا هعمل على انشاء مدونه لهذه الاسباب