BLOGGER TEMPLATES AND TWITTER BACKGROUNDS

الثلاثاء، 15 فبراير 2011

شهدائى اخواتى

السلم عليكم ورحمه الله وبركاتو

انا بجد مش عارف اكتب اقول ايه ولا ينفع اقول شعر ولا قصيده

ديما بسمع من ناس معينه فى اتوبيس او عربيه او شارع

او اى حد يشتم فى الناس اصحاب الثوره ويعيب فيهم

ويتهمهم انهم خربو البلد طب اذى هوا مش شايف ولا بيسمع

مش شايف الشعوب الى فخوره بينا مش شايف النصر الى حققنا

على ايد شباب مش شايف ارواح الشهداء لدرجادى المصرى

بيهان من اخوه المصرى انا بجد حزيييين وبحزن اكتر 

لما حد يعيب فى اخونا الشهداء ويقول مهما الى بدأو اذاى

يا اصحاب القلوب كم من ام بكت وتقطع قلبها على فلزات اكبادها

ابنائها شبابها
انا يا جماااااااااااااااااااااااااااااااااعه ليا صديق شهيد معرفتى بيه كانت قبل يوم جمعه

الغضب بيوم واحد كنا عملين مقابله انا واحد الشباب وتعرفت عليه

وسعتها بجد استرخمتو واسف ليه انى ظنت بيه كدا فى هذا اليوم

دحكنا  وكمان اتحدانى فى البليستيشن ولعبنا تانى يوم فى جمعه الغضب عرفت

وانا هناك انو استشهد والله سبت كل حاجه وفضلت ابكى عليه

مش عشان اعرفو ولكن عشان قبليها بيوم قالى يا ادم تعرف

قلت نعم قالى انا سايب امى فى مستشفى ومعاها اخواتى البنات

بجد مش حراااااااااااااااااااااااااام انا مش هقدر اكمل

اكتر من كدا بس حبيت اوصفلكم مشاهد اكتر من الثوره





;">





هناك 26 تعليقًا:

مصطفى سيف الدين يقول...

ادمعت عيوني
رحمه الله هو كل الشهداء
هم في مقعد صدق عند مليك مقتدر
لا تلقي بالا لمن يقول لك ان الثورة هي التي اضاعت البلد فهؤلاء نسوا ان البلد كانت ضائعة قبل الثورة بكثير
اما الثورة فهي الامل الوحيد في اعادة الاحلام الضائعة
تحياتي وتقديري

أبو فارس يقول...

رحم الله الشهداء
والله يا اخي هذا قليل مما كان بيحدث
فى السجون وفى المعتقلات

ربنا يحفظ مصر


تحياتي

رحاب صالح يقول...

بجد مش لاقية كلام اقوله
غير حكاية الدموع دي طبعا مفروغ منها
غير اني عديت علي الصور بسرعة لاني مش بقدر استحمل اشوفها
غير اني بجد بدعي للشهداء في كل صلاه واقول يا رب صبر اهاليهم
غير اني بجد حاسة بيهم
وغير ان كل يود دمي يتحرق من اكتر من شخص يشتم ف الثوار والثورة
لية كدة...؟
برغم ان للي حصل ده في مصلحتهم قبل مصلحتنا
امتي بقي نتعلم نشوف الصح ...مش نشوف الغلط وبس

تحياتي للمدونة الرائعة

كلمات من نور يقول...

رحمهم الله جميعا وتقبلهم من الشهداء

هبة فاروق يقول...

اللى بيشتم فى الثورة اما غبى اما كان مصلحتة فى بقاء الرئيس المخلوع
رحم الله شهدائنا وسيظلو فى قلوبنا واتمنى ان تخلد اسماؤهم فى ميدان التحرير بمعنى يوضع جدار وعلية اسماؤهم فهذا اقل شىء يقدم لابطال مثلهم رحمهم الله
تحياتى لك ولا تحزن فالشهداء الان فى جنات النعيم

وردة الجنة يقول...

ان لله وانا اليه راجعون

ربنا يرحم شهدائنا كلهم يارب ويدخلهم فسيح جناته ويصبر اهلهم يارب

اما الناس اللى بتتكلم دى فهم ضعفاء النفوس ينتابهم الخوف دائما حتى بعد الثورة
تعودوا على نظام حاضر نعم من غير اى تفكير ده صح ولا لا

ان شاء الله الثورة تجيب ثمارها ويارب ميضعش تعب اى حد تعب فى الثورة عشان ينقذ امة ويوحدها

تحياتى ....

♥نبع الغرام♥♪≈ يقول...

وجعت قلبى اوووووووووى بجد
ربنا يرحمهم برحمته التى وسعت كل شىء

بجد هما ضحوا بنفسهم عشنا

ربنا يستر يارب

حياتى نغم يقول...

السلام عليكم ورحمة الله وبركاته

حمدا لله على السلامه يا آدم

الله يسلمك ، جميله فكرةالمدونه وصور الشهداء على جوانبها تقبلهم الله ورحمهم آمين .

طبيعى يكون للثورة أعداء فكل نجاح وله أعداء وربنا يهديهم .

صيدلانيه طالعه نازله يقول...

كل يوم باعرف قصه جديده من قصص بطولات شبابنا اللى عبروا بينا للحريه و كانت وسيلتهم دماءهم الزكيه
ربنا يوهبنا الشهاده مثلهم
و تحيه ليهم كلهم سواء من عرفناهم او لم نعرفهم

shimaa elkholy يقول...

الله يرحمهم ويصبر اهاليهم

عيطنى يا ابنى والصور وجعت قلبي والاغنيه كماااااان

واي حد بيهاجم الثوره يبلع لسانه ويقعد ساكت وينقطنا بسكاته

موناليزا يقول...

بصدد هذا الموضوع ولأنى اكتشفت حاجة النهاردة أحب اعرفهالك وأرجو أن تتقبل كلامى بصدر رحب

أولا: حضرتك لما بتعلق بيكون الاسم "ثورة الغضب" والصورة للشهيدة سالى زهران
فصراحة فى الأول فكرتك أنثى لوضعك صورة لبنت - أنا آسفة-
ممكن حضرتك تحط اى صورة لاى حد من الشهداء "ذكور".
من غيرتى على سالى كنت عايزة أقولك كده بس سبحان الله ان فى الوقت اللى قررت أطلب منك فيه تغير الصورة ظهر صورتها على الفيس بوك وهى محجبة ومكتوب ان دى آخر صورة ليها وكانت بعد حجابها وهذا يعنى ان صورتها الآن ماينفعش تظهر وهى سايبة شعرها

أنا معرفش اذا كنت حضرتك من المدونين القدامى المتابعين لى ولا لأ بس أنا حقيقى حطيت نفسى مكانها ولقيت انى ماقبلش حد يحط صورتى كده وخصوصا بعد ماعرفنا انها محجبة

ثـــوره الــغضب يقول...

مصطفى سيف

جزاك الله خيرا مصطفى لمتابعتك

وتحيه الى الشهداء وربنا يتقبل دعائنا

ثـــوره الــغضب يقول...

ابو فارس

عندك حق هذا قليل ولكن كان فى الخفا

وهذا على مرأ من الاعين

شيئ لا يقبله العقل البشرى

ثـــوره الــغضب يقول...

رحاب

ربنا يتقبل كل دعائك يا رحاب

اما الناس الى بتكلم كتييير دى

شكلها خدو على الزل والاهانه فحبوها

ربنا يغنينا برحمته

ثـــوره الــغضب يقول...

كلمات من نور

ربنا يتقبل دعائك

ثـــوره الــغضب يقول...

هبه فاروق

عندك حق هما كان فى مصلحتهم النظام الفاسد

وربنا يتقبل دعائك يا هبه

وميرسى لمتبعتك لمدونتى

ثـــوره الــغضب يقول...

ورده الجنه

كلامك جميل ورده

واكيد عندك حق فهم ضعفاء النفوث

وربنا يتقبل دعائك

وميرسى على متبعتك لمدونتى

ثـــوره الــغضب يقول...

نبع الغرام

تقبل الله دعائك بأزن الله

انتى اوجعك قلبك اما نحن فقلوبنا قفلت من شدت ما رأيناه

ثـــوره الــغضب يقول...

حياتى نغم

ربنا يخليكى واسعدنى عودتك الى مدونتى يارب تكونى بخير انتى والاولاد

وربنا يتقبل دعائك

ثـــوره الــغضب يقول...

صيدلانيه



تحيه لكل شهدائنا

على خوطا كلامك

وبأزن الله سننشر عن قريب قصص اخرى

ثـــوره الــغضب يقول...

ندى الياسمين

وجعونا كلنا والله يا ندى

ربنا يتقبل منك دعائك لشهداء الثوره وليس على من يتكلم عن الثوره هؤولاء ربنا يهديهم

ثـــوره الــغضب يقول...

موناليزا اذيك

ــــــــــــــــــــــــــ

تعليقك مميز دائما لأن ده طبعك انك اول مره تخشى مدونتى ويكون هذا تعليقك ميرسى لزوئك
ـــــــــــــــــــ

نيجى بقه لكلامك انتى عندك حق واسف لأنى مكنتش اعرف انها محجبه بجد ربنا يسامحنى وجارى التعديل فورا
ـــــــــــــــــــــــ

فى بعض الكلمات الغريبه الى صدرت منك

قلتى انى لما بعلق الاسم بيكون ثوره الغضب وانا حاطت صوره شهيده دى مش فاهمها اعمل ايه يعنى اخلى الاسم زهور الغضب واحد صوره اسد ولا اعمل ايه

ـــــــــــــــــــــ

بعد كدا كنتى عيذا تكلمينى من بدرى واكتشفتى انا شايف انك طولتى اوى فى تعليقك عليا كنتى ممكن تلخصى كل ده فى كلمات بسيطه جدا وده اكيد
صح.............

وبتقولى انا مش عارفه انتا مدون قديم ولا لسه جديد ومتابعنى ولا لأه هوا حضرتك مشهوره او مثلا انا جديد او قديم ده ليه صله بكلامك

افتكر انك ببعض الكلمات خرجتى بره الاساس الى كنتى جيا عشانو
ــــــــــــــــــــــ

ومن نحيت انا قديم ولا جديد فأنا

((((( ادم المصرى مدون مملكه الزمن الجميل)))))))))))

افتكر مفيش مدون من القدامه ميعرفنيش واولهم انتى لأنى اقدم منك بسنين
ـــــــــــــــ
انا اسف لأنى طولت ذيك بس تعليقك نرفزنى

وبجد انا شاكر جدا ليكى لانى فعلا كنت غفلت عن موضوع الحجاب اعتبريها صدمات من ثوره الغضب اصلك مشفتيش الى شفناه كنتى متبعانا من التلفزيون

الــحــــنـــــــــــــــــــين يقول...

جميل جداااااااااا والله العظيم تقبل مرورى

موناليزا يقول...

أستاذ آدم
واضح من ردك انى فعلا اتسببت بغضبك وده انا ماقصدتوش

"
تعليقك مميز دائما لأن ده طبعك انك اول مره تخشى مدونتى ويكون هذا تعليقك ميرسى لزوئك"

أشعر بسخرية غير مبررة
فالموضوع يتكلم عن الشهداء وأنا تعليقى خاص بواحدة منهم
فمش عارفة إيه طبعى اللى واضح انه مش عاجبك
وبرضه مش فاهمة ايه علاقة ان اول مرة ادخل المدونة بتعليقى
وهو المفروض ادخل ابارك واهنى على انشاء المدونة ولا اتكلم فى الموضوع على طول!!.


اسمحلى ارد على ردك على كلماتى اللى قلت عليها غريبة

"قلتى انى لما بعلق الاسم بيكون ثوره الغضب وانا حاطت صوره شهيده دى مش فاهمها اعمل ايه يعنى اخلى الاسم زهور الغضب واحد صوره اسد ولا اعمل ايه"

يافندم قصدى وضحته
وعموما ده فى العموم مش مقتصر على "ثورة الغضب" يعنى اى حد بتكون صورة بروفيله بنت سواء فتاة أو طفلة صغيرة اول انطباع من قبل مانشوف البروفيل أنه "أنثى".. ده اللى قصدته

"بعد كدا كنتى عيذا تكلمينى من بدرى واكتشفتى انا شايف انك طولتى اوى فى تعليقك عليا كنتى ممكن تلخصى كل ده فى كلمات بسيطه جدا وده اكيد
صح..........."

أنا فعلاً طولت وبعتذرلك لان المقدمة كانت اطول من اللازم بس كانت تمهيد انك تقبل تعليقى بصدر رحب من غير ماتضايق لانى مش جاية اضايقك انا بس بلفت نظرك لحاجة يمكن كانت تايهة عنك

"وبتقولى انا مش عارفه انتا مدون قديم ولا لسه جديد ومتابعنى ولا لأه هوا حضرتك مشهوره او مثلا انا جديد او قديم ده ليه صله بكلامك

افتكر انك ببعض الكلمات خرجتى بره الاساس الى كنتى جيا عشانو"

ده حقيقى يبان ان كلامى خارج الموضوع بس قصدت بكده اننا لو نعرف بعض فأكيد مش هتزعل من تعليقى لأنك هتكون عارف أسلوبى وانى بدخل فى الموضوع بدون تزويق للكلمات

"انا اسف لأنى طولت ذيك بس تعليقك نرفزنى"

انا آسفة انى نرفزتك

ثـــوره الــغضب يقول...

حنين

ميرسى اوى على مرورك

ثـــوره الــغضب يقول...

موزاليزا

مش ناوى اطول كتير على ردك

فى هعلق فى كام حاجه اولا يا انسه

انا مش افندم دى اديمه اوى على فكره شكلك مش بتنزلى من البيت من سنه 48 انا ادم نبيل المصرى

ثانيا صوره البروفيل بتعتى انا حر احط ولد بنت شايب بردو دى بتعتى مش هتيجى حضرتك وتعرفينى انا المفرود احط ايه صح

مش عارف ليه انتى مصره تحرجى نفسك معايا

وعلى العموم متشكرين لنصايح سيتك بس خليها لنفسك ويستى لو المكان هنا ديق عليكى المدونات كتيييييير افتكر اننا نعرف بعض من اكتر 4 سنين عيب نيجى بعد كل ده ونصغر نفسنا سلام يا ديمقراتيه